Elizabeth Taylor í hjartaaðgerð

Kvikmyndaleikkonan Elizabeth Taylor þarf að gangast undir aðgerð til að láta lagfæra leka hjartaloku. Taylor sagði í færslu á samskiptavefnum Twitter að hún myndi gangast undir nýja tegund af aðgerð og þyrfti ekki að fara í opna hjartaaðgerð.

Taylor hefur átt við heilsuleysi að stríða undanfarin ár. Hún gekkst undir aðgerð árið 1997 til að láta fjarlægja heilaæxli og árið 2006 kom hún fram í sjónvarpi til að vísa á bug orðrómi um að hún hefði Alzheimer. 

Hún var flutt á sjúkrahús í Los Angeles sumarið 2008 en talsmaður hennar bar þá til baka fréttir um að hún hefði verið við dauðans dyr.  

• 2 blogg um fréttina

Bloggað um fréttina

• Ólafur Ragnarsson: "kom við hjörtu"
• Stefán Friðrik Stefánsson: Þokkagyðjan Liz