Einn söngvaranna í Boyzone látinn
Setja bókamerki
Stephen Gately, einn af félögunum í írsku söngsveitinni Boyzone fannst látinn á spænsku eyjunni Mallorca í gær þar sem hann var í leyfi með sambýlismanni sínum.
Fram kemur á vef BBC, að Gately, sem var 33 ára, hafi orðið bráðkvaddur í svefni.
Boyzone var stofnað árið 1992 eftir að Louis Walsh auglýsti eftir ungmennum í söngsveit. Ronan Keating var aðalsöngvarinn en fimm aðrir piltar voru upphaflega í sveitinni, þar á meðal Gately sem var 17 ára. Boyzone naut mikilla vinsælda á Írlandi og Bretlandseyjum og kom m.a. sex lögum í 1. sæti breska vinsældalistans á árunum 1994 til 2000 þegar sveitin hætti.
Boyzone kom síðan aftur saman á síðasta ári og hefur að undanförnu verið á tónleikaferðalagi.
Gately lýsti því yfir árið 1999 að hann væri samkynhneigður. Hann og Andy Cowles gengu í staðfesta samvist árið 2006.
Stormur á Þorláksmessu en víðast hvar stefnir í hvít jól
Forstjóri bendir á ábyrgð birgja vegna verðhækkana
Alvarleg netárás á Wise
Skattamál verði líklega „þeirra mesta klemma“
Beint: Ný ríkisstjórn tekin við völdum
Lát hjóna í Neskaupstað: Ákæra gefin út
Ók á hóp fólks á jólamarkaði: Einn látinn
