Prins fyrir borð

Friðrik krónprins Dana féll útborðs þegar hann hugðist sýna hæfni sína í siglingum úti fyrir Sydney í Ástralíu. Danski krónprinsinn tekur þátt í siglingum á World Masters Games sem nú fara fram í Sydney en lenti í slæmu veðri og hvolfdi bátnum við æfingar.

Siglingunum var aflýst vegna veðurs og snéru flestir til hafnar en prinsinn varð eftir til að æfa sig ásamt félaga sínum. „Hann hvolfdi bátnum og báðir duttu í sjóinn en svo tókst þeim að rétta bátinn af og komast aftur um borð,“  sagði talsmaður keppninnar.

28,292 keppendur frá 95 löndum taka þátt í World Masters leikunum sem eru ætlaðir fólki á öllum aldri.   

• 2 blogg um fréttina

Bloggað um fréttina

• Ólafur Þórðarson: Íþróttafrétt og prins-bjálfi.
• Bogi Jónsson: Friðrik öflugur, borðaði dínamít pinna.