Flogið með lík Gately til Írlands

Lík Stephen Gately, sem var í strákasveitinni Boyzone, hefur verið flutt til til heimabæjar söngvarans á Írlandi. Félagar Gately fylgdu vini sínum til Írlands, en þeir lentu á flugvellinum í Dublin í dag. Í kvöld munu ættingjar og nánir vinir Gately koma saman til að minnast hans.

Á morgun verður Gately borinn til hinstu hvílu í St. Laurance O'Toole kirkju í Dublin.

Söngvarinn fannst látinn á heimili sínum í Mallorca í síðustu viku. Niðurstaða krufningar leiddi í ljós að hann lést af eðlilegum orsökum.

Áður en eftirlifandi liðsmenn Boyzone yfirgáfu Mallorca las Ronan Keating yfirlýsingu fyrir hönd félaga sinna, þeirra Mikey Graham, Shane Lynch og Keith Duffy. „Veröld okkar breyttist að eilífu sl. laugardag þegar við misstum vin okkar og bróðir.“

Keating þakkaði fyrir þann mikla hlýhug og stuðning sem fólk hafi bæði sýnt fjölskyldu Gately og vinum.

• 1 blogg um fréttina

Bloggað um fréttina

• Guðmundur Júlíusson: Einn strákasveitarinnar Boyzone er látinn