Fyrsta Bond illmennið látið

Joseph Wiseman, leikarinn sem lék illmennið í fyrstu James Bond myndinni, er látinn 91 árs að aldri. Wiseman lék Dr. No í samnefndri Bond-mynd frá árinu 1962. Þar lék hann á móti Sean Connery í hlutverk James Bond og Ursulu Andress í hlutverki fyrstu Bond-stúlkunnar, Honey Rider. 

Wiseman fæddist í Montreal í Kanda árið 1918 en fluttist barn að aldri  til Bandaríkjanna. Hann gerði það gott sem sviðsleikari og lék m.a. í rómuðum sýningum á Anthony og Kleópötru sem og Lé konungu áður en hann reyndi fyrir sér í Hollywood.

Fyrsta hlutverk hans á hvíta tjaldinu sem vakti verulega athygli var í Viva Zapata þar sem mótleikari hans var enginn annar en Marlon Brando. Hann lék einnig með Burt Lancaster í The Unforgiven.

Frægastur varð Wiseman hins vegar fyrir hlutverk sitt sem Julius No, illmennið í samnefndi Bond mynd sem er  með málmhendi og lætur að lokum lífið í myndinni þegar hann hafnar í sjóðandi heitu vatni.

Að sögn Mörthu Graham Wiseman, dóttur Wiseman, vildi leikarinn hélst láta minnast sín fyrir sviðshlutverk sín. Seinasta hlutverk hans var í sviðsaðlögun á Judgment at Nuremberg á Broadway árið 2001. 

• 1 blogg um fréttina

Bloggað um fréttina

• Ingvar Valgeirsson: Joseph Wiseman allur