Ný plata Stormskers of dónaleg fyrir Þýskaland

Sverrir Stormsker gefur út nýja plötu í næstu viku. Platan átti upprunalega að koma út um miðjan október en útgáfudagurinn var færður til, m.a. vegna tafa í framleiðslu.

Þýskur framleiðandi neitaði að afgreiða plötuna sökum þess að umslagið þótti of ósiðlegt og þurfti dreifingaraðilinn, Kimi Records, því að leita uppi annan slíkan sem væri með siðferðiskenndina skör lægra. Hann fannst og platan kemur út í allri sinni dýrð næsta miðvikudag.