Björk syngur um múmínálfana

Björk Guðmundsdóttir hefur samið nýtt lag, sem flutt verður í væntanlegri kvikmynd finnska kvikmyndafélagsins Filmkompaniet um múmínálfana. Fram kemur á heimasíðu Bjarkar, að Sjón semji textann við lagið en myndin, sem á að heita Múmínálfarnir í halastjörnuleit, verði frumsýnd haustið 2010.

Á heimasíðunni segir, að bæði Björk og Sjón hafi aldrei farið leynt með að þau séu miklir aðdáendur múmínálfanna og myndir af Múmínsnáðanum og Snorkstelpunni hafi stundum sést á klæðum þeirra beggja.

 Fram kemur, að lagið eigi að heita The Comet Song, en þegar Björk hafi verið spurð nánar um málið hafi hún aðeins svarað: „Hah! Luuletko että minä olen joku juoruämmä!" 

• 1 blogg um fréttina

Bloggað um fréttina

• Njörður Helgason: Komin heim.