Sadie Frost segir „allt"

Leikkonan fyrrverandi Sadie Frost, sem nú starfar sem tískuhönnuður, ætlar að segja „allt" um samband sitt við leikarann Jude Law í ævisögu sinni. Frost á þrjú börn með Law en stormasömu sambandi þeirra lauk með skilnaði í október 2003 en þau voru gift í sex ár.

Eru miklar væntingar til bókarinnar í slúðurheimum enda þykir líklegt að besta vinkona Frost, fyrirsætan Kate Moss, komi fyrir í bókinni og hjónaband Frost og Gary Kemp, söngvara Spandau Ballet. Frost og Kemp eiga einn son saman Finley sem er 19 ára gamall. 

Útgefandinn John Blake hefur staðfest að Frost hafi selt endurminningar sínar fyrir afar háa fjárhæð og bætir við að ekki sé hægt að óska sér meir hvað varðar upplýsingar sem opinberaðar verða í ævisögunni.

Frost, sem er 44 ára, mun væntanlega fjalla um æskuárin í ævisögunni en hún er dóttir listamannsins David Vaughn og leikkonunnar Mary Davidson.

Jude Law AP

• 1 blogg um fréttina

Bloggað um fréttina

• Ragnar Birkir Bjarkarson: Það sem fólk gerir ekki fyrir fljótfenginn aur