Nasistasöngur vakti litla lukku

Breski tónlistarmaðurinn Pete Doherty var púaður niður þegar hann söng nasistasönginn Deutschland, Deutschland über alles á tónleikum í München um helgina.

Doherty kom fram á on3 tónlistarhátíðinni um helgina.  Hann hóf að syngja þýska þjóðsönginn og söng þá fyrsta versið í ljóðinu  Deutschlandlied  en þær ljóðlínur voru sungnar meðan á valdatíma nasista stóð. Hinn opinberi þýski þjóðsöngur er hins vegar þriðja vers ljóðsins en fyrsta versið er almennt ekki sungið opinberlega.

Áheyrendur púuðu og hrópuðu á Doherty en hann hætti ekki fyrr en tónleikarahaldarar komu á sviðið og fjarlægðu söngvarann. Ríkisútvarp Bæjaralands stóð fyrir tónleikunum og sendi þá út beint.

Peter Doherty, sem er þrítugur að aldri og aðalsöngvari sveitarinnar Babyshambles, hefur oft komist í fréttir fyrir annað en tónlistarhæfileika, aðallega þó fíkniefnaneyslu og önnur lögbrot henni tengd. 

• 1 blogg um fréttina

Bloggað um fréttina

• Arnór Baldvinsson: Þjóðsöngur eða nasistasöngur