Hélt að hún væri rosalega fræg

Leikkonan Maggie Gyllenhaal hélt um stund að hún væri orðin alveg rosalega fræg þegar ljósmyndarar eltu hana á röndum.  Í ljós kom að þeir voru ekki að eltast við hana heldur Tom Cruise.

Maggie Gyllenhaal , sem meðal annars lék í Dark Knight, og eiginmaður hennar Peter Sarsgaard eru vön því að geta farið allra ferða sinna í New York án þess að vekja athygli. Þau voru því mjög hissa þegar tugir ljósmyndara tróðust inn á kaffihús þar sem þau sátu í rólegheitum.

Hún segir í samtali við vefinn E! Online að hún hafi sagt við eiginmanninn: 'Peter, oh Guð minn góður þeir eru  á eftir okkur. Þeir eru að elta okkur. Við erum svo mikilvæg." Hins vegar kom fljótlega í ljós að það voru hjónin  Katie Holmes og Tom Cruise sem ljósmyndararnir voru á höttunum eftir en þau búa við götuna þar sem kaffihúsið er. Ljósmyndararnir nýttu sér þráðlaust net á kaffihúsinu til þess að hlaða niður myndum af húsi þeirra þar sem það var kalt í veðri.

• 3 blogg um fréttina

Bloggað um fréttina

• Jakob Falur Kristinsson: Ekki fræg
• Oddgeir Einarsson: Heimsfrétt
• Þórður Guðmundsson: Frægur eða heimsfrægur