Verk Ragnars ein af uppgötvunum ársins

Verk Ragnars Kjartanssonar, The End, á Feneyjatvíæringum, var nefnt þegar breska blaðið Daily Telegraph spurði kunna framámenn í listaheiminum hver væri uppgötvun ársins að þeirra mati. 

Það er Alistair Spalding, listrænn stjórnandi Sadler’s Wells leikhússins í Lundúnum, sem nefnir Ragnar þegar blaðið spyr hann um uppgötvun ársins.

„Á Feneyjatvíæringnum sá ég einkennilegt nýtt verk eftir íslenska málarann Ragnar Kjartansson. Frá upphafi tvíæringsins til loka hans málaði hann daglega nýja mynd af sama manninum, sem sat fyrir. Á meðan drukku þeir, spiluðu gamlar plötur og létu sér líða vel í þessari niðurníddu gömlu höll. Þegar ég kom þangað höfðu safnast upp margar myndir og tómar flöskur en tilfinningin var mjög sérstök," segir Spalding. 

Umfjöllun Telegraph

• 1 blogg um fréttina

Bloggað um fréttina

• Einhver Ágúst: Magnað...