Íslenskar myndir mest sóttar

Georg Bjarnfreðarson gerir það að verkum að hin stórmerkilega og mikið auglýsta Avatar fékk ekki að vera nema eina viku á toppi Bíólistans. Kvikmyndin Bjarnfreðarson er nú sína aðra viku mest sótta myndin í íslenskum bíóhúsum.

Ekki að undra, Georg, Daníel og Ólafur Ragnar hafa verið bestu vinir þjóðarinnar í gegnum þrjár sjónvarpsseríur og því vilja margir sjá hvernig örlögum þeirra er háttað eftir fangelsisvistina.

Avatar kemur önnur og Alvin og íkornarnir 2 eru í þriðja sæti. Ný íslensk mynd, Mamma GóGó, er í fjórða sæti. Myndin þykir mjög góð og fékk fjórar og hálfa stjörnu í dómi  í Morgunblaðinu í gær.