Beckham tekinn hreðjataki

Knattspyrnumaðurinn David Beckham var í vikunni tekinn hreðjataki af ítalskri blaðakonu, Elenu Di Cioccio, sem vildi sannreyna hvort kappinn væri með gullhreðjar en Eiginkona Beckhams, Victoria, mun hafa gefið karli sínum gælunafnið „Golden Balls“.

Atvik þetta mun hafa átt sér stað fyrir utan hótel í Mílanó, þar sem Beckham ræddi við fjölmiðlamenn og þá m.a. um það hversu almennilegir íbúar Mílanó væru. Honum var að vonum brugðið við hreðjatakið. Di Cioccio tjáði sig frjálslega um kynfæri Beckhams í kjölfarið en þau ummæli eru ekki birtingarhæf.