Jón Gnarr nýtt leikskáld Borgarleikhússins
Setja bókamerki
Jón Gnarr leikari, skáld og þúsundþjalasmiður hefur verið valinn leikskáld Borgarleikhússins úr stórum hópi umsækjanda. Jón mun starfa í Borgarleikhúsinu næsta árið þar sem hann mun sinna ritstörfum fyrir leikhúsið.
Þetta kemur fram í tilkynningu frá Borgarleikhúsinu.
„Markmið með ráðningu leikskálds á vegum Leikritunarsjóðsins er að laða hæfileikaríkt fólk að leikhúsinu, kynna því leikhúsformið og efla þannig íslenska leikritun. Stefnt er að því að Jón riti leikverk, eitt eða fleiri, á tímabilinu með uppsetningu í Borgarleikhúsinu í huga. Leikskáldið verður hluti af starfsliði hússins allt tímabilið og fær aðgang að allri starfsemi leikhússins.
Leikritunarsjóður Leikfélags Reykjavíkur réð fyrsta leikskáldið, Auði Jónsdóttur rithöfund, í upphafi ársins 2009 og er hún því að ljúka sínum árssamningi. Stefnt er að uppsetningu á nýju leikriti Auðar á næsta leikári,“ segir í tilkynningu.
Stormur á Þorláksmessu en víðast hvar stefnir í hvít jól
Ný ríkisstjórn kynnt á morgun
Var engin kristnitaka árið 1000?
Forstjóri bendir á ábyrgð birgja vegna verðhækkana
Skattamál verði líklega „þeirra mesta klemma“
