Hafði vasapeninga af súðvískum börnum

„Við áttum ekki von á því að saga af þremur þunglyndum köllum á bensínstöð yrði gríðarlega vinsæl en sem betur fer þá sló hún í gegn og fólk á öllum aldri hreifst af þessum karakterum,“ segir súðvíski leikstjórinn Ragnar Bragason í  viðtali við vestfirska fréttablaðið Bæjarins besta í dag. Hann fékk snemma áhugann fyrir kvikmyndum.

„Pabbi keypti svo super 8 sýningarvél þegar ég var svona sjö til átta ára og ég opnaði mitt eigið bíóhús inni í herberginu mínu, seldi aðgang og poppaði og hafði vasaféð af öllum börnum í þorpinu. Sýndi þar svarthvítar myndir með Buster Keaton, Charlie Chaplin og Laurel og Hardy aftur á bak og áfram. Reyndar þurfti ég að skila öllum peningunum aftur þegar foreldrarnir fóru að hringja og kvarta yfir því að ég hefði haft alla vasapeningana af börnunum þeirra.“

bb.is

• 1 blogg um fréttina

Bloggað um fréttina

• Steinunn Helga Snæland: Bara snilld!!