Birta svarar fyrir sig

Birta Björnsdóttir, hönnuður kjóla sem stjórnendur Söngvakeppni Sjónvarpsins, Eva María og Ragnhildur Steinunn, klæddust í úrslitaþættinum, sendi rektor Listaháskóla Íslands bréf í gær vegna ummæla Lindu Bjargar Árnadóttur, fagstjóra fatahönnunarbrautar LHÍ, um kjólana.

Linda sendi Evu Maríu bréf þar sem hún sagði kjólana þá ljótustu sem hún hefði séð. „Hefur Listaháskólinn það vald að segja til hverju sinni hvað það er sem er í tísku, sérstaklega á þann hátt sem gert hefur verið nú?“ spyr Birta í bréfinu sem finna má í heild á Facebook-síðu Júníform.