Bigelow stjarna kvöldsins

Leikstjórinn Kathryn Bigelow kom sá og sigraði með kvikmynd sína The Hurt Locker á Óskarsverðlaunahátíðinni í gærkvöldi. Fékk myndin sex Óskarsverðlaun og varð Bigelow fyrst kvenna til að fá Óskarsverðlaun fyrir leikstjórn. Myndin var einnig valin besta myndin.

„Þetta er stund lífs míns," sagði Bigelow, á Óskarsverðlaunahátíðinni í nótt en hún er fimmta konan í sögu hátíðarinnar, sem haldin varí 82. skiptið nú,  sem er tilnefnd fyrir kvikmynd sem hún hefur leikstýrt.

Jeff Bridges og Sandra Bullock fengu verðlaun fyrir leik í aðalhlutverki fyrir hlutverk sín í myndunum Crazy Heart og The Blind Side.

Christoph Waltz fékk Óskarsverðlaunin fyrir leik í aukahlutverki í myndinni Inglourious Basterds og Mo'Nique fyrir leik í myndinni Precious.

Argentínska kvikmyndin El Secreto de Sus Ojos var valin besta erlenda myndin.

Vefur Óskarsverðlaunahátíðarinnar