Abba í frægðarhöll rokksins

Sænska hljómsveitin Abba, pönksveitin Stooges, reggítónlistarmaðurinn Jimmy Cliff og bresku sveitirnar Genesis og The Hollies voru í kvöld teknar inn í frægðarhöll rokksins í New York.

Það hefur vakið athygli að Abba  hljóti þennan heiður þar þar sem sveitin spilaði popptónlist frekar en rokk en  Joel Peresman, forstjóri stofnunarinnar, sem stýrir frægðarhöllinni, segir að þessar sveitir og tónlistarmenn séu fulltrúar alls hins besta í dægurtónlist. 

Inntökuhátíðin er haldin á Waldorf Astoria hótelinu í New York þótt frægðarhöllin sé í raun í Cleveland í Ohio. Hollies munu koma fram á hátíðinni en hvorki Abba né Genesis.  Iggy Pop, sem var í Stooges, mætir og einnig    Jimmy Cliff.

• 1 blogg um fréttina

Bloggað um fréttina

• Theódór Norðkvist: Meira en popp