Ekki hrifnir af íslenska laginu

Blaðamenn VG í Noregi eru ekki sérlega hrifnir af framlagi Íslands í Evrovision-söngvakeppninni, sem fer fram í Ósló í lok maí. Segja þeir að Je Ne Sais Quoi, sem Hera Björk flytur, sé hræðilegt eurodanslag ættað frá miðjum 10. áratug síðustu aldar.

„Ný Björk frá Íslandi?" spyr blaðið. „Tja, við getum að minnsta kosti fellt þessa," bætir það við. Á öðrum stað í umfjölluninni segir, að því minna sem sagt sé um íslenska lagið því betra.

Blaðamennirnir eru hins vegar uppnumdir yfir norska laginu My Heart Is Yours, sem Didrik Solli-Tangen flytur. Segir VG að því fleiri lög, sem heyrist þeim mun betur hljómi þessi hjartnæma ballaða. 

Umfjöllun VG

• 3 blogg um fréttina

Bloggað um fréttina

• Benedikta E: Norðmennirnir óttast samkeppnina við Heru Björk í Eurovision !
• Axel Jóhann Hallgrímsson: Hvað þá, hvernig dirfist þeim?
• Jón Arnar: Eurovision update I 17-03-2010