Segjast hafa haldið við eiginmann Bullock

Jesse James, eiginmaður bandarísku leikkonunnar Söndru Bullock, virðist hafa tekið við keflinu af kylfingnum Tigers Woods sem miðpunktur bandarískra hneykslismála því hver konan á fætur annarri stígur nú fram og segist hafa átt í ástarsambandi við James á síðustu misserum. 

Upp komst um James þegar fyrirsætan Michelle McGee upplýsti í viðtali við vefinn InTouch um miðjan mánuðinn að hún hefði átt í ástarsambandi við hann undanfarna 11 mánuði. Í kjölfarið bárust fréttir af því, að Bullock væri flutt út úr húsi þeirra hjóna.

Í gær sagðist nektardansmærin Melissa Smith hafa átt í sambandi við James í tvö ár eftir að hann kvæntist Bullock. Hún seldi tímaritinu Star í Bandaríkjunum sögu sína.

Í dag skýrði slúðuðurvefurinn  TMZ.com  frá því, að Brigitte Daguerre, ljósmyndari sem er búsett í Los Angeles, segist hafa átt í stuttu ástarsambandi við James árið 2008. Segist hún hafa undir höndum 195 SMS frá James sem sanni þetta.

• 1 blogg um fréttina

Bloggað um fréttina

• Jóhann Elíasson: ÞAÐ HLÝTUR AÐ VERA EITTHVAÐ MIKIÐ AÐ MANNINUM??????????