Borgfirðingar hittast á Borginni

Hinn 9. apríl næstkomandi verður haldið Borgfirðingaball á Hótel Borg. Borgfirðingaball er vettvangur fyrir alla Borgnesinga og nærsveitamenn til að hittast, hvort sem þeir eru brottfluttir, aðfluttir eða ófluttir, segir í tilkynningu.

Húsið er opnað kl. 23 og verður opið fram eftir, en aldurstakmark er 18 ára.

Borgfirðingaball var haldið í fyrsta skipti í Reykjavík fyrir ári og mættu um 400 manns og skemmtu sér saman, en sveitungaböll af þessu tagi eru tilvalinn vettvangur til að endurnýja kynnin við gamla vini og kunningja. DJ Kiddi Bigfoot mun halda uppi stemningunni.