Borgarholtsskóli sigraði í söngkeppninni

Söngkeppni framhaldsskólanna er lokið í íþróttahöllinni á Akureyri, en keppnin var sýnd í beinni útsendingu á Stöð 2. Sigurvegari var Borgarholtsskóli en flytjendur skólans, Kristmundur Axel Kristmundsson og Júlí Heiðar, röppuðu lagið Komdu til baka (Tears in Heaven). Verðlaunin afhenti Ólafur Ragnar Grímsson, forseti Íslands, í tilefni 20 ára afmælis keppninnar.

Kristmundur Axel samdi textann við sigurlagið.

Í öðru sæti að þessu sinni urðu einnig rapparar, fulltrúar Menntaskólans á Akureyri; Darri Rafn Hólmarsson, Rakel Sigurðardóttir og Stefán Ernir Valmundarson, og í þriðja sæti varð söngkona frá Verzlunarskóla Íslands, Hallfríður Þóra Tryggvadóttir.

Kristmundur Axel, til vinstri, og Júlí Heiðar flytja sigurlagið í kvöld. mbl.is/Skapti

Kristmundur Axel, sem samdi textann og flutti sigurlagið ásamt Júlí Heiðari, var undrandi þegar hann steig á svið eftir að úrslitin voru tilkynnt. mbl.is/Skapti

• 4 blogg um fréttina

Bloggað um fréttina

• Jens Guð: Magnaður texti sigurvegarans
• Haraldur Haraldsson: Borgarholtsskóli sigraði í söngkeppninni/horfði á þetta ekki ánægður með úrslitin …
• Ómar Ragnarsson: Tapaði söngvakeppnin fyrir Borgarholtsskólanum?
• Gunnar Th. Gunnarsson: Smekksatriði