Aflýsir brúðkaupi ársins
Setja bókamerki
Ekkert verður af fyrirhuguðu brúðkaupi Magðalenu, yngstu dóttur Karls Svíakonungs og Sylvíu drottningar. Magðalena ætlaði nú í sumar að giftast Jónasi Bergström og voru þegar komnar á loft lýsingar í sænskum fjölmiðlum um brúðkaup ársins.
Sylvía Svíadrottning hefur hins vegar tilkynnt sænska dagblaðinu Aftonbladet að ekkert verði af brúðkaupinu. „Það verður því miður ekkert brúðkaup í ár. Það segir sig sjálft. Það hefur margt gerst og ákafinn er mikill,“ sagði Sylvía.
Magðalena prinsessa trúlofaðist lögfræðingnum Bergström í ágúst í fyrra. Undanfarið hafa sænskir fjölmiðlar hins vegar gert sér mat úr því að turtildúfurnar hafa lítið sést saman undanfarnar vikur og vangaveltur verið uppi um hvort erfiðleikar væru í sambandinu.
Er ein ástæða þessa sögð sú að Magðalena telur Bergström meta vinnu sína og vini meira en sig.
Þó Magðalena og Bergström séu ennþá opinberlega par, getur ástæða þess einfaldlega verið sú að sænska konungsfjölskyldan vill ekki varpa skugga á brúðkaup Viktoríu krónprinsessu og Daníels Westling, sem fer fram 19. júní nk.
Spurningin á allra vörum er nú hvort það verði Bergström sem leiðir Magðalenu inn kirkjugólfið við þá athöfn.
Sendi nektarmyndir af dreng sem hann passaði
Rannsókn á menningarnæturmáli lokið
Vonir bundnar við morgundaginn
Heimildarmenn tala um hápólitískt drama
Fundur hafinn hjá kennurum, ríki og sveitarfélögum
Falskur fyrirvari á auglýsingum Höllu