„Ég elska þá alla“

Stúlkan að baki hneykslinu sem skekið hefur franskan knattspyrnuheim vill að ástmönnum sínum verði þyrmt. Þeir hafi komið vel fram við hana. Mennirnir sem stúlkan, Zahia Dehar, seldi blíðu sína er hún var undir lögaldri eru á meðal skærustu knattspyrnustjarna Evrópu. 

Slúðurblöð beggja vegna Ermarsunds hafa velt sér upp úr málinu og hafa frönsku blöðin birt ögrandi myndir af Dehar við sundlaugarbakka.

Málið þykir mikill álitshnekkir fyrir frönsku landsliðsmennina Franck Ribery, Karim Benzema og Sidney Govou en þeir leika með Bayern Munchen, Real Madrid og Lyon í þessari röð.

Sjálf kveðst Dehar „elska þá alla“ en ólíklegt er að sú væntumþykja muni slá á þá hneykslun sem samræði þremenninganna við stúlku undir lögaldri hefur vakið.

Stúlkan hefur gefið upp við yfirheyrslur hjá frönsku lögreglunni að þremenningarnir hafi greitt henni 2.000 pund, hátt í 400.000 krónur, fyrir kvöldið.

Ribery var hugfanginn af Dehar og flaug með hana á ástarfund í átt til óuppgefins hótels í Þýskalandi, þar sem hann leikur með Bayern.

Kynlífskaup þremenninganna brjóta í bága við frönsk lög og gæti refsingin hugsanlega sett þátttöku þeirra á HM í knattspyrnu í Suður-Afríku í uppnám.

• 8 blogg um fréttina

Bloggað um fréttina

• Axel Jóhann Hallgrímsson: „Hún bauð upp á þetta!“
• Axel Jóhann Axelsson: Sætt og súrt
• Riddarinn : Þvílíkir aular ..............
• Sigurbjörg Sigurðardóttir: Að velja.
• Heimir Lárusson Fjeldsted: Bara að ég væri elskaður af slíkri konu
• Frikkinn: Drátthagir knattspyrnumenn
• Guðmundur St Ragnarsson: Ég krefst rannsóknar
• Jóna Kolbrún Garðarsdóttir: Fólk til sölu