Óskaði okkur ekki einu sinni til hamingju

„Hann er búinn að vera þvílíkt stífur við okkur og með leiðindi frá upphafi. Hann mætti ekki á keppnina og er ekki einu sinni búinn að óska okkur til hamingju,“ segir Atli Hjaltested, nýkjörinn ræðumaður Íslands, sem fór fyrir liði Menntaskólans við Sund sem sigraði í MORFÍS um síðustu helgi. Atli á þar við Má Vilhjálmsson, rektor skólans, sem hann er allt annað en sáttur við.

Það vakti mikla athygli í síðustu viku þegar nokkrir stuðningsmenn MS sturtuðu hrúgu af skít fyrir utan Verzló og Atli kveðst hafa furðað sig á viðbrögðum rektorsins við því máli.

„Eftir að þetta mál kom upp talaði hann um að láta hætta við úrslitin, sem var náttúrlega ekki á hans valdi. Hann talaði líka um að láta banna stuðningsliðið á keppninni. Við í liðinu reynum náttúrlega bara að vera góð ímynd skólans út á við og honum er einhvern veginn alveg sama um það,“ segir Atli.

Nánar í nýjasta Monitor. Blaðið má lesa í rafrænni útgáfu hér.

• 1 blogg um fréttina

Bloggað um fréttina

• Halldór Halldórsson: Kúkalabbar!