16 ára stúlka sigldi umhverfis jörðina

Ástralska skólastúlkan Jessica Watson lauk í morgun siglingu umhverfis jörðina þegar hún kom til Sydney í Ástralíu. Er Watson, sem er 16 ára gömul, yngsta manneskjan, sem siglir ein síns liðs kringum hnöttinn, án þess að koma við í höfn og án aðstoðar. 

Siglingin tók 210 daga og Watson kom í mark mánuði á undan áætlun 3 dögum fyrir 17. ára afmælisdag hennar.

„Hún er komin heim," sagði Julia móðir Jessicu þegar sú síðarnefnda sigldi inn í höfnina á bleikri skútu sinni.