Norska útvarpið braut reglur í Eurovision-útsendingu

Medietilsynet, norska stofnunin, sem hefur eftirlit með fjölmiðlum þar í landi, telur að norska ríkisútvarpið NRK hafi brotið reglur um kostun með því að sýna vörumerki símafélagsins Telenor ítrekað í beinni útsendingu frá undanúrslitum Eurovision söngvakeppninnar í gærkvöldi.

Fram kemur á vef NRK að Telenor-merkið hafi sést með áberandi hætti  í tíu skipti þegar verið var að tilkynna hvaða 10 lönd kæmust áfram í úrslitin á laugardag. 

Hefur Medietilsynet sent NRK bréf þar sem norska útvarpið er að beðið um að sjá til þess að þetta endurtaki sig ekki í síðari undanúrslitaþættinum á morgun og í úrslitunum á laugardag. 

Samkvæmt norskum útvarpslögum má aðeins kynna kostunaraðila fyrir og eftir útsendingu en ekki á meðan á útsendingu stendur. 

• 1 blogg um fréttina

Bloggað um fréttina

• Jón Arnar: Úreltar reglur sem eiga ekki heima í ríkisreknum fjölmiðlum anno2010