Albert Mónakóprins trúlofaður

Albert Mónakóprins hefur greint opinberlega frá því að hann og Charlene Wittstock séu trúlofuð. Þar með hefur hann bundið enda á þær vangaveltur hvort parið hygðist ganga upp að altarinu.

Albert, sem er 52 ára gamall, var vígður til embættis fursta í Mónakó árið 2005 þegar hann tók við af föður sínum, Rainier fursta, sem lést sama ár. Móðir Alberts er leikkonan Grace Kelly. 

Albert, sem var þekktur glaumgosi og piparsveinn, á tvö börn. Þau munu ekki erfa krúnuna þar sem þau fæddust utan hjónabands. 

Wittstock er 32 ára gömul og fyrrverandi kennari frá Suður-Afríku. Hún hefur unnið til verðlauna í sundi á Ólympíuleikunum.

• 1 blogg um fréttina

Bloggað um fréttina

• Gísli Gíslason: Börn utan hjónabands erfa ekki krúnuna í Mónakó!!