Áhugi á Elvis út yfir gröf og dauða

Tæki og tól, sem notuð voru til að kryfja og smyrja lík bandaríska söngvarans Elvis Presley verða seld á uppboði í Chicago í ágúst. Meðal munanna er merkimiði, sem á stendur John Doe og var festur við tær söngvarans í líkhúsinu.

Uppboðið verður á vegum fyrirtækisins Leslie Hindman. Það fer fram 12. ágúst, fjórum dögum fyrir 33. dánardægur Presleys. 

Uppboðshaldarinn sagði í morgun, að allir munirnir, sem notaðir voru við krufninguna og undirbúning útfararinnar verði til sölu, frá gúmmíhönskum og töngum til greiðu og farða. Jafnvel reikningurinn fyrir líkkistunni og herðatréð, sem föt Presleys voru hengd á, verða boðin upp. 

Yfirmaður hjá útfararstofunni í Memphis, sem sá um útför Presleys, safnaði mununum saman.

• 1 blogg um fréttina

Bloggað um fréttina

• Davíð Þ. Löve: Geðbilun!!!