Jose Carreras snýr aftur í La Scala

Stórtenórinn Jose Carreras mun syngja aftur í La Scala-óperuhúsinu 10. október næstkomandi, en fjórtán ár eru liðin síðan hann kom þar síðast fram.

Tilefnið eru söfnunartónleikar til styrktar krabbameinsrannsóknum, en Carreras greindist sjálfur með hvítblæði 1997, ári eftir að hann söng síðast í La Scala. Eftir að hann greindist setti hann á fót stofnun sem safnar fé til krabbameinsrannsókna og átti meðal annars þátt í því að koma á fót spænskum gagnagrunni yfir beinmergsgjafa.