Tónlistarveisla á Bræðslunni
Setja bókamerki
Tónleikarnir á Bræðslunni heppnuðust vel í gærkvöldi en þeir voru í beinni útsendingu á Rás 2. Að sögn Áskels Heiðar Ásgeirssonar skipuleggjanda voru um 1.000 manns á tónleikunum og þrefaldur sá fjöldi á Borgarfirði eystra. Frábært veður var langt fram á kvöld en undir miðnætti læddist þoka inn á svæðið.
„Hér er bara tjald við tjald á hverjum þeim lausa bletti sem fannst. Ég held að það hafi aldrei verið með jafnmargir samankomnir hérna í firðinum. Mjög mikið af fjölskyldufólki og mikil og góð stemning," sagði Áskell Heiðar við mbl.is, einn forsprakka Bræðslunnar ásamt bróður sínum, söngvaranum Magna, og fleirum. „Það verður án nokkurs vafa sungið á tjaldstæðunum fram undir morgun, eftir að tónleikunum lýkur.
Flytjendur á tónleikunum voru hljómsveitirnar Fanfarlo frá Bretlandi, Dikta, 200.000 Naglbítar, KK & Ellen og Of Monsters and Men. Sjálf hátíðin hefur staðið yfir síðan á miðvikudagskvöld og heppnast einstaklega vel, að sögn Áskels Heiðars.
Að tónleiknum loknum var kveiktur varðeldur við hlið samnefnara hátíðarinnar, tónleikahússins Bræðslunnar.
Máttu ekki auglýsa „mesta úrvalið“ og „besta verðið“
„Átti von á fleiri útköllum“
„Á allt sitt undir því að njóta trausts almennings“
Veðurspáin mjög slæm: Ökumenn fari varlega
Innanlandsflug liggur niðri
JBT Marel muni einblína á tekjusamlegð
Hvetja fólk til að huga að niðurföllum