Sendur í byggingarvinnu eftir HM
Setja bókamerki
Norður-kóresku knattspyrnumennirnir, sem kepptu fyrir hönd þjóðar sinnar á heimsmeistaramótinu í Suður-Afríku í júní, hafa ekki átt sjö dagana sæla síðan þeir snéru heim.
Fullyrt er að þeir hafi þurft að sæta opinberri yfirheyrslu klukkustundum saman þar sem þeir voru sakaðir um að „svíkja" Kim Jong-un, væntanlegan eiðtoga landsins með frammistöðu sinni á HM.
Breska blaðið Daily Telegraph hefur eftir suður-kóreskum fjölmiðlum, að stjórnvöld í Norður-Kóreu hafi kallað liðið til opinberrar yfirheyrslu 2. júlí þar sem fjallað var um hvernig liðið hefði tapað hinni hugmyndafræðilegu baráttu í Suður-Afríku.
400 fulltrúar stjórnvalda, námsmanna og blaðamanna voru viðstaddir yfirheyrslurnar. Í lok yfirheyrslunnar var Kim Jung-hun vísað úr verkamannaflokki Norður-Kóreu og er nú sagður leggja stund á byggingarvinnu.
Norður-kóreska liðið tapaði öllum þremur leikjum sínum í Suður-Kóreu. Fyrsta leiknum tapaði liðið naumlega, 1:2 fyrir Brasilíu og þótti standa sig vel. Því var ákveðið að senda leik liðsins við Portúgal út beint í norður-kóreska sjónvarpinu og sá leikur tapaðist 0:7. Það var meira en leiðtogar Norður-Kóreu þoldu.
Kim Jung-hun þjálfari axlaði persónulega ábyrgð á tapinu og sagðist eftir leikin hafa valið ranga leikaðferð. Leikmennirnir hefðu hins vegar staðið sig vel.
Forstjóri bendir á ábyrgð birgja vegna verðhækkana
Þetta eru ráðherrar ríkisstjórnarinnar
Bjarni: „Útilokað að þetta geti gengið upp“
Víkingar komnir yfir 800 milljónir í greiðslur
Lát hjóna í Neskaupstað: Ákæra gefin út
„Börn heima sem maður myndi vilja hafa í skjóli“
„Mér finnst gamla Samfylkingin komin aftur“
Ný ríkisstjórn kynnt á morgun
