Stallone stakk af frá ógreiddum reikningum

Leikarinn Sylvester Stallone fær ekki góða útreið í brasilískum fjölmiðlum í dag en vikurit þar í landi greinir frá því  að Stallone og félagar hans hafi skilið eftir fjölda ógreiddra reikninga þar í landi eftir að nýjasta kvikmynd hans var tekin upp þar.

Hasarmyndin The Expendables verður frumsýnd síðar í mánuðinum í Bandaríkjunum en hún var tekin upp í Brasilíu. Fjölmörg fyrirtæki sem komu að gerð hennar þar í landi segja að ekki hafi verið greitt fyrir veitta þjónustu.

Samkvæmt vikuritinu Veja nema ógreiddir reikningar framleiðenda myndarinnar yfir tveimur milljónum dala í Brasilíu. Þar á meðal skuldi þeir brasilísku kvikmyndafyrirtæki, O2, öryggisvörðum, bílstjórum og öðrum starfsmönnum.

Segir í Veja að frá því í maí í fyrra hafi O2 reynt að innheimta það sem félagið á inni án árangurs. Frá því í byrjun þessa árs hafi Stallone og félagar ekki einu sinni svarað símtölum frá O2.

Talið er að The Expendables sé dýrasta kvikmynd sem hefur verið kvikmynduð í Brasilíu en fjárhagsáætlun myndarinnar hljóðaði upp á 63 milljónir Bandaríkjadala.

Stallone er með framleiðandi myndarinnar auk þess sem hann leikur stórt hlutverk í henni.

Umfjöllun um myndina á IMD

• 1 blogg um fréttina

Bloggað um fréttina

• Axel Jóhann Hallgrímsson: Við skulum rétt vona...