Múmínpabbi hvetur Íslendinga til að gerast aðilar að ESB

Jón Gnarr borgarstjóri í Reykjavík segir að hann hafi rætt við múmínpabba og að hann hafi tjáð sér að lífið í múmíndal væri mun betra eftir að Finnar gengu í Evrópusambandið. Múmínpabbi hvetur Íslendinga til að ganga í Evrópusambandið.

Þetta kemur fram í grein sem Jón Gnarr skrifar í Grapevine. Jón fjallar þar m.a. um trú Íslendinga á álfa og tröll.

„Ég er ekki eini Íslendingurinn sem trúi á álfa og tröll. Ég trúi þó aðallega á múmínálfa. Þetta er meira en trú. Ég hef séð þá og snert þá. Ég veit því að þeir eru til. Ég hef hef komið til múmínheims í í Naantali í Finnlandi. Ég hef sannanir; myndir, myndbönd, skýrslur og vitnisburði.

Ég átti gott samtal við múmínpabba. Hann sagði mér að lífið í Múmíndal væri mun betra eftir að Finnar gengu í ESB. Hann hvatti Íslendinga til að gerast aðili að ESB. Hann sagði ennfremur að múmínálfar hefðu alltaf verið til, löngu áður en Tove Jansson „fann þá upp“. Múmínálfar eru ódauðlegir, a.m.k. í bókum,“ skrifar borgarstjóri.

Múmínálfarnir.

• 10 blogg um fréttina

Bloggað um fréttina

• Heimir Lárusson Fjeldsted: Jón Gnarr getur sjálfur gengið í Evrópusambandið, en þjóðin fer …
• Hecademus: Að baki trúðsgrímu
• Haraldur Haraldsson: Múmínpabbi hvetur Íslendinga til að gerast aðilar að ESB,Ekki er …
• Guðmundur Jónas Kristjánsson: Og þennan ESB - múmínpabba styjðja sjálstæðismenn !
• Benedikta E: Þykist einhver sjá skilaboð eða eitthvað annað en tómt rugl …
• Axel Jóhann Axelsson: Óboðlegur borgarstjóri
• Svanur Gísli Þorkelsson: Hin leyndardómsfullu skilaboð Jóns Gnarr útskýrð
• Geir Ágústsson: Tarzan segir: Ekkert ESB
• Ómar Geirsson: Lucy in the sky with diamonds.
• Björn Birgisson: Besti flokkurinn kominn í bullandi útrás