Zsa Zsa Gabor við dauðans dyr

Leikkonan Zsa Zsa Gabor virðist vera við dauðans dyr samkvæmt upplýsingum frá talsmanni hennar. Gabor, sem er 93 ára að aldri, var lögð inn á sjúkrahús fyrir helgi vegna aukaverkana eftir að hafa mjaðmabrotnað í júlí. Hefur hún beðið um að fá prest til sín á sjúkrahúsið en ástand hennar er afar alvarlegt, að sögn talsmanns hennar.

Zsa Zsa Gabor var nýlega útskrifuð af sjúkrahúsi eftir mjaðmaskurðinn þar sem hún fékk sýkingar í skurðinn og svaraði lyfjum illa. 

Hún lamaðist að hluta í bílslysi árið 2002 og hefur verið í hjólastól síðan. Þá fékk hún heilablóðfall fyrir fimm árum.

• 2 blogg um fréttina

Bloggað um fréttina

• Jóhannes Ragnarsson: Svona fór líka fyrir annarri frú
• Ólafur Ragnarsson: "Nú er hún við dauðans"