Marklund í 1. sæti í Bandaríkjunum

Bókin Póstkortamorðingjarnir, sem sænski rithöfundurinn Liza Marklund og bandaríski höfundurinn James Patterson skrifuðu saman, er nú í 1. sæti á vikulegum metsölulista bandaríska blaðsins New York Times.  

Að sögn blaðsins Dagens Nyheter er þetta í annað skipti, sem sænskur höfundur kemur bók í 1. sæti á þessum lista, hinn er Stieg Larsson, höfundur bókanna um Mikael Blomkvist og Lisbeth Salander.  Bók hans, Loftkastalinn sem sprakk, var í 1. sæti á listanum í síðustu viku en fór nú niður í 2. sæti.

Báðar þessar bækur hafa komið út á íslensku.   

Metsölulisti New York Times

• 1 blogg um fréttina

Bloggað um fréttina

• Frikkinn: Enda er hún frábær höfundur