Ástkona Rooney með þrennu?

Breska götublaðið The Sun telur sig hafa heimildir fyrir því að Jenny Thompson, gleðikonan sem átti vingott við Wayne Rooney, framherja Manchester United, hafi stært sig af því að hafa selt minnst þremur öðrum leikmönnum ensku úrvalsdeildarinnar blíðu sína. Reynist það rétt gæti málið undið upp á sig.

Hefur blaðið, sem gerir út á slúður og rætnar fyrirsagnir, eftir kunningja Thompson að hún hafi mikið dálæti á leikmönnum úrvalsdeildarinnar.

Er ónafngreindur varnarmaður deildarinnar sagður hafa hrifist af Thompson og loks átt með henni kynmök gegn þóknun.

Að frátöldum munnmökum við annan varnarmann hafi hún notið ásta með þeim þriðja á heimili hans og vildi þá ekki betur til en svo að unnusta viðkomandi knúði dyra. Er varnarmaðurinn sagður hafa hvatt Thompson til að leiða það hjá sér enda væri unnustan lyklalaus.

Segir blaðið Rooney hafa boðið Thompson að hafa við sig mök á heimili sínu er eiginkonan var fjarverandi, að því er slúðurblaðið hefur eftir henni.

Málið þykir mikið hneyksli enda var eiginkona Rooney ólétt á meðan á sambandi hans og Thompson stóð.

Capello, þjálfari enska landsliðsins, og Rooney. Reuters

• 3 blogg um fréttina

Bloggað um fréttina

• Gísli Foster Hjartarson: Háklassa mella gerir það gott?
• Axel Jóhann Hallgrímsson: Allt er þá þrennt er
• Ólafur Jóhannsson: Hamingjusama hóran?