Gaf út 50 plötur á einum degi

Luke Haines gaf út 50 mismunandi útgáfur af plötu sinni, Outsider Music, á einum degi.

Plöturnar voru til sölu á vefsíðu kappans en allar 50 útgáfurnar voru teknar upp af Haines í einni samfelldri töku. Engin mistök voru klippt út úr upptökunum og í einni útgáfunni heyrist Haines fara til dyra og spjalla við blaðberann sinn í miðri töku.

Haines seldi hvert eintak á 75 bresk pund en hann segir plötuna strax uppselda. „Eftirspurnin var miklu meiri en framboðið,“ sagði tónlistarmaðurinn og óskar þeim heppnu sem nældu sér í eintak innilega til hamingju með kaupin.

• 1 blogg um fréttina

Bloggað um fréttina

• Gísli Foster Hjartarson: Karlinn flottur