Hellti eigin saur yfir gesti

Bálreiður eldri maður hellti úr fleiru en reiðiskálum sínum yfir gesti veitingahúss í Króatíu nú á dögunum.

Hinum 67 ára gamla Attila Blubnik var nóg boðið þegar hávaði og læti bárust frá veitingahúsi á neðstu hæð í húsi hans. Í reiði sinni stormaði Blubnik niður á veitingastaðinn og sturtaði eigin saur yfir gesti sem að hans mati voru með of mikil læti. Blubnik var umsvifalaust handtekinn fyrir athæfið.

Þetta er ekki í fyrsta skipti sem Attila Blubnik kemur við sögu lögreglu í heimabæ sínum, Murter, í Króatíu. Hann hefur áður gert eiganda sama veitingahúss lífið leitt er hann gagnrýndi útisvæði sem var opnað við veitingastaðinn. Þá gekk Blubnik um með viðarbút og lamdi gesti veitingahússins í hausinn með honum.

• 1 blogg um fréttina

Bloggað um fréttina

• Ragnar Birkir Bjarkarson: talandi um að drulla yfir fólkið