Þúsundir á sveitaballi

Áætlað er að á þriðja þúsund manns hafi skemmt sér á balli í reiðhöllinni Svaðastöðum á Sauðárkróki í gærkvöldi og nótt. Dansleikurinn var raunar réttarball, haldið í tengslum við Laufskálaréttir í Skagafirði í gær, stærstu stóðréttir Íslands. 

Hljómsveitin Von lék fyrir dansi og hafði enga aukvisa sér til aðstoðar: söngvarana Magna Ásgeirsson, Sigríði Beinteinsdóttur og Eirík Hauksson, sem gerði sér ferð frá Noregi til að syngja fyrir Skagfirðinga. 

Að sögn ballgesta var gríðarlega góð stemmning en jafnframt var öflug gæsla í og við húsið og allt fór vel fram.

mbl.is/Þorgeir Baldursson

• 3 blogg um fréttina

Bloggað um fréttina

• Gísli Foster Hjartarson: Í þá gömlu góðu.....
• Jóhannes Ragnarsson: Frú Ingveldur og Kolbeinn á útreiðarmóti.
• Ómar Ragnarsson: Lifnar í gömlum glæðum.