Reyndu að stöðva sýningu á RIFF

Fyrir nokkrum vikum síðan gerði kínverska sendiráðið í Reykjavík tilraun til þess að fá Alþjóðlega kvikmyndahátíð í Reykjavík til þess að hætta við sýningar á bandarísku heimildarmyndinni When The Dragon Swallowed The Sun. Myndin  fjallar um málefni Tíbet og samskipti íbúa þar við Kínverja.

Þetta kemur fram í fréttatilkynningu frá RIFF í dag en myndin verður sýnd á hátíðinni síðar í dag.

„Sendiráðið boðaði Hrönn Marinósdóttur, stjórnanda hátíðarinnar, á sinn fund þar sem forsvarsmenn þess óskuðu eftir því að hætt yrði við sýningar á myndinni á hátíðinni. Þeirri beiðni var hafnað.

Þá bar sendiráðið erindið einnig upp við utanríkisráðuneytið, þótt með óformlegum hætti hafi verið, eins og greint er frá á fréttavefnum phayul.com," segir ennfremur í tilkynningu.

• 1 blogg um fréttina

Bloggað um fréttina

• Njörður Helgason: Kínverjar vilja ritskoða.