Ástarbréf Gibsons sönnunargögn

Leikarinn Mel Gibson sendi fyrrverandi unnustu sinni, Oksana Grigorieva, ófá ástarbréf er þau voru par. Oksana hefur nú ákveðið að vera allt annað en rómantísk því hún áætlar að nota bréfin sem sönnunargögn í ofbeldismáli gegn Gibson til að sýna hversu „óskynsamur“ hann er.

 „Þetta er kapítalíska svínið þitt að lenda þotu sinni í Minnesota! Ég hef varla hugsað um neitt annað en þig síðan ég yfirgaf London! Það er yndislegt + sorglegt því þú ert ekki nálægt mér! Ég þarfnast litla Rússans míns til að fylla sál mína,“ ritaði Gibson í einu bréfinu til Grigorieva.

„Ef þú ert á fótum minn litli brúneygði kommúnisti hringdu þá í mig! Ég sakna þín + og guð minn góður ég elska þig.“ 

„Þú sigraðir skrímslið í mér með ást þinni frá þínu fallega hjarta + sál.“

Oksana Grigoreva og Mel Gibson. JUAN MEDINA

• 1 blogg um fréttina

Bloggað um fréttina

• Sirrý Sig: Og ég sem var svo hrifin af gaurnum...