Hundleiðir á ferðamennskunni

Margir Feneyjabúar eru orðnir hundleiðir á að vera til sýnis fyrir ferðamenn eins og fiskar i fiskabúri og vilja nú fá meiri frið, einnig finnst þeim ferðamennirnir keyra upp allt verðlag í borginni.  Milljónir ferðamanna sækja borgina heim ár hvert en þar búa aðeins um 60.000 manns.

 Nýlega efndi hópur fólks til aðgerða, klæddi sig í búninga þekktra teiknimyndafígúra til að vekja athygli. Sumir reru um á gondólum í litríkum klæðnaði  og dreifðu seðlum þar sem fólk var boðið velkomið til ,,Veniceland" með skírskotun til hinna frægu Disneyland-skemmtigarða.

,,Feneyjar eru orðnar að skemmtigarði fyrir 20 milljónir túrista sem ráðast hingað inn á hverju ári," sagði talsmaður hópsins, Matteo Secchi. 

• Blogga um frétt