Jólaljósin kveikt í Betlehem

Mann­fjöldi safnaðist sam­an í dag ná­lægt Bet­lehem þegar jóla­ljós­in voru tendruð við hátíðlega at­höfn. Flug­eld­ar skreyttu him­in­inn og lúðrasveit lék jóla­lög.

Flug­eld­arn­ir sprungu yfir höfðum fólks­ins sem safnaðist sam­an í þorpi ná­lægt Bet­lehem á Vest­ur­bakk­an­um. Salam Fayyad, for­sæt­is­ráðherra Palestínu, kveikti á um 10 metra háu jóla­tré. Sner­iltromm­ur dundu, sönglúðrar gullu og sekkjar­píp­ur ómuðu þegar fæðingu Jesú var fagnað nærri fæðing­arstað hans. 

Jóla­tréð gnæfði yfir og á toppi þess glóði stjarna. Ferðamanna­straum­ur­inn til Bet­lehem hef­ur vaxið jafnt og þétt á und­an­förn­um árum. Um tvær millj­ón­ir ferðamanna hafa komið þangað síðan árið 2008.

Ísra­elska ferðamálaráðuneytið á von á að um 90.000 er­lend­ir ferðamenn heim­sæki Bet­lehem nú um jól­in. 

• 1 blogg um frétt­ina

Bloggað um frétt­ina

• Hall­dór Sig­urðsson: Og dag­arn­ir stytt­ast -- mynd­band