25 ára gamalt lag bannað
Setja bókamerki
Úvarpsstöð í kanadísku borginni Halifax hefur farið gegn banni við flutningi lagsins Money for Nothing með rokksveitinni Dire Straits í upprunalegri útgáfu, en útvarpsstöðin lék lagið viðstöðulaust í klukkustund nú á föstudag.
Talsmaður útvarpsstöðvarinnar Q104, JC Douglas, segir nokkrar athugasemdir hafa borist. Einhverjir hlustendur hafi jafnframt hótað því að kvarta formlega. Lagið sem um ræðir var fyrst gefið út fyrir 25 árum.
Úrskurðað var síðastliðinn miðvikudag að lagið þætti óhæft til flutnings í kanadísku útvarpi, en orðið „fagot“ kemur fyrir í þrígang í textanum. Ákvörðunin var tekin í kjölfar kvörtunar útvarpshlustanda. Samkvæmt úrskurðinum er einungis heimilt að flytja lagið í breyttri útgáfu.
Útvarpssiðanefnd Kanada féllst á þá skoðun hlustandans að orðið umdeilda væri niðrandi í garð samkynhneigðra. Eitt sinn kunni að hafa verið í lagi að nota það, en það sé ekki raunin í dag.
Heitt vatn fannst sem gæti annað 10 þúsund manns
Bergur er fallinn
Á algjöru frumstigi eftir þrjár vikur af verkfalli
Verulega hægt á hagvexti frá byrjun síðasta árs
Leyfa akstur um Vonarskarð eftir 14 ára deilur
Óttast að fólk fari aftur að eyða peningum