Myndir af Hitler seldar á uppboði

600 áður óséðar myndir af Adolf Hitler seldust á uppboði í Bretlandi fyrir þrjátíuþúsund pund, eða rúmlega 5,6 milljónir íslenskra króna. Þar á meðal var mynd af Hitler og ítalska einræðisherranum Benito Mussolini.

Myndirnar voru teknar af einkaljósmyndara Hitlers, Heinrich Hoffmann, á þeim tíma er flokkur nasista sótti í sig veðrið fyrir síðari heimstyrjöld. Á þeim má meðal annars sjá Hitler við æfingar í skóla SS-sveita nasista og heilsa að hætti nasista úr bíl sínum á fjöldafundi í Nuremburg. Þá sýnir ein mynd Hitler og Mussolini á ólympíuleikunum í Munchen árið 1936. 

Uppboðshaldarinn Jonathan Humbert sagðist gáttaður á því hversu margir hafi sýnt ljósmyndunum áhuga og þá sérstaklega fyrir þær sakir að nokkrir þeirra voru Þjóðverjar. Safnið var áður í einkaeign.

• 1 blogg um fréttina

Bloggað um fréttina

• Gísli Foster Hjartarson: Berlín ekki Munchen