Bieber fer í mútur

Þó að það sé eflaust gaman að vera unglingastjarna getur það líka verið skammvinn sæla eins og Justin Bieber stendur nú frammi fyrir því hann er byrjaður í mútum.

Einhverjum finnst það kannski vonum seinna, piltur kominn á sautjánda ár, en væntanleg vandræði komust í hámæli þegar hann lenti í erfiðleikum á tónleikum í nóvember sl.

Bieber hyggst þó ekki leggja hljóðnemann á hilluna og stundar raddæfingar af kappi. Að sögn fróðra getur hann enn sungið, en háu tónarnir sem heilluðu svo meyjarnar munu víst horfnir að mestu.