Ótrúlegar ferilskrár algengar

Atvinnurekendur í Bretlandi segja ferilskrárnar sem þeir fá inn á borð til sín vera ansi skrautlegar oft á tíðum.

Samkvæmt heimildum The Telegraph hafa atvinnurekendum til dæmis borist ferilskrár sem ríma og einn vongóður umsækjandi setti Guð sem meðmælanda.

Umsækjendur virðast vilja vekja athygli á sér með áhugaverðum yfirlýsingum eins og einn sem tók sérstaklega fram að hann væri afkomandi víkinga. Annar listaði „meistari tíma og alheimsins“ sem reynslu.

Vefsíðan CareerBuilder.co.uk gerði könnun sem leiddi í ljós þessar áhugaverðu umsóknir. Könnunin var gerð til að athuga hvað atvinnurekendur vildu helst ekki sjá í atvinnuumsóknum. 

• 1 blogg um fréttina

Bloggað um fréttina

• ÞJÓÐARHEIÐUR - SAMTÖK GEGN ICESAVE: Við sláum öll met