Framleiðslu Two and a Half Men frestað
Setja bókamerki
Framleiðendur sjónvarpsþáttanna Two and a Half Menhafa ákveðið að aflýsa tökum á þáttunum tímabundið eftir að aðalleikarinn, Charlie Sheen, hellti sér yfir annan helsta höfund þáttanna í útvarpssviðtali.
Sjónvarpsstöðin CBS og framleiðandinn Warner Brothers Television tilkynntu í gærkvöldi, að ákveðið hafi verið að hætta framleiðslu þáttanna til vors. Var vísað til ýmissa miður fallegra ummæla, sem Sheen lét falla í útvarpsviðtali um Chuck Lorre, annan af tveimur höfundum þáttanna.
Í janúar var ákveðið að fresta tökum á Two and a Half Men tímabundið svo Sheen gæti farið í áfengis- og lyfjameðferð. Fyrr í gær var tilkynnt að tökur myndu hefjast að nýju í næstu viku en það breyttist þegar leið á daginn.
Sheen, sem er sonur leikarans Martins Sheens, hefur verið mikið í fréttum að undanförnu fyrir lyfja- og áfengisneyslu, samskipti við vændiskonur og klámleikkonur. Hann fór í meðferð fyrir tæpum mánuði en hún virtist litlum árangri skila.
Eftir að tilkynnt var í gærkvöldi að tökum á sjónvarsþáttunum hefði verið aflýst ótímabundið birti Sheen yfirlýsingu á slúðurvefnum TMZ.com, þar sem hann réðist að nýju á Lorre, kallaði hann vesælan orm og sagðist aðeins óska honum sársauka. „Ég hef greinilega sigrað þennan ánamaðk með orðum - ímyndið ykkur hvað ég hefði getað gert með eldspúandi hnefum mínum."
Viðræður ekkert þokast frá því á þriðjudag
„Höfum sloppið bærilega með skaða af þessu gosi“
Þarf að koma til móts við ólíkar þarfir lækna
Dregið úr gosóróa
Vika í kosningar: Þetta segja kannanir
Hulda saksóknari: „Tökum þetta ekki til greina“
Ása Ellerup flutt út og ætlar að selja húsið