Idol-keppandi á sjúkrahúsi

Casey Abrams, sem kominn er í 24 manna úrslit í sjónvarpskeppninni American Idol, var fluttur á sjúkrahús á miðvikudag vegna magaverkja. Að sögn slúðursíðunnar TMZ liggur hann enn á sjúkrahúsi og gæti vegna þessa átt í þeirri hættu að detta út úr keppninni. 

Framleiðendur American Idol hafa boðið Abrams að taka lag sitt upp fyrir keppnina á sérstökum tíma og er hann sagður vera að íhuga það tilboð.